الكلب أولاً .....عينى عليكم يا شعب مصر

قرأت خبر فى جريدة الأهرام يقول (9 سنوات حبساً لطعن كلب ) استغربت وقولت لازم اقول لكم عليه

الخبر نصه : قضت محكمة أمريكية بلوس انجلوس بالسجن 9 سنوات على رجل طعن كلباً بين عينيه وبالرغم ان الكلب ويدعى ديتر

نجا من الموت وعولج من الأصابة ولكن القاضى رأى أن (هوجوفارجارس) مذنب ويستحق عقوبة مشددة لأنه اساء للكلب بشكل وحشى

تخيلوا اتحبس 9 سنوات علشان كلب لا كمان ده مش مات لا أصيب أنتوا متخيلين فما بالكم بى اللى راحوا ضحية العبارة ومسرح الثقافة ببنى سويف وحادث قطار الصعيد وخدوا من المصايب دى كتير فكركم اتحبسوا ولا هايتحبسوا أبدا مالك العبارة سافر وطار والمسرح الثقافى الموظفين المساكين اللى مالهمش ذنب هما اللى شالوا الليلة كلها

ولا الحاجة التانية اللى فى الموضوع اللى بجد الواحد مش عارف اذا كانت تضحك ولا تبكى أن المحكمة اللى أصدرت الحكم ده محكمة أمريكية يعنى لو أمريكا عندها شوية من الأحمر كانت أصدرت حبة أحكام من دى لحبايبهم فى اسرائيل اللى بيقتلوا فى الفلسطنين واللبنانين الأبرياء فعلا حسبنا الله ونعمة الوكيل