بقت بجنيه؟؟؟؟؟؟ ارحمونا

أكيد انتوا مستغربين وعايزين تعرفوا اه ده اللى بقى بجنيه وأنا متاكدة ان انتوا عرفتوا

دى تذكرة مترو الانفاق

الناس بقيت هاتتجنن كل حاجة بقى سعرها نار حتى تذكرة المترو لكن اللى هايجنن الناس أكتر أن ما فيش تحسن للخدمات الحال كما هو عليه العربيات مزدحمة ومتكربسة على الآخر وما حدش طايق لحد كلمة وماكينات التذاكر خربانة !!!!!!والمزوغين اللى بينطوا من فوق الماكينات

كل اللى قدروا عليه حطولنا موسيقى علشان المواطن يتمزج

بدل ما يشوفوا العيوب ويصلحوها بيلهوا الناس بالموسيقى،علشان المفروض بقى عليك أنك راجع من الشغل طهقان وطالع عينيك ومش طايق اللى حوليك من الزحمة فأول ما تدخل المترو و تسمع الموسيقى أعصابك تهدى

البلد دى مش حطة فى دماغها الغلابة فى ناس كانت مش لاقيا سعر التذكرة أم 75 قرش فما بالكم لما بقيت بجنيه

طب تصدقوا أنى شوفت راجل بقى بيكلم نفسه لما الموظف قاله دى التذكرة بقيت بجنيه يا حاج ما بالكم لما يكون ده نموذج لمواطن واحد بس ده أكتر واحد ممكن يعبر عن الشعب كله

ارحمونا